បញ្ហាជាតិខ្លាញ់លើស
នៅលើផ្ទៃមុខ ធ្វើឲ្យស្បែកមុខ មើលទៅឃើញរងើម
ព្រមទាំងរន្ធរោមលើផ្ទៃមុខ ក៏ធំៗទៀតផង។ វិធីងាយៗខាងក្រោម
អាចកែខៃបញ្ហានេះបាន។១. រក្សាសំណើមនៅលើស្បែកៈ ប្រសិនបើបណ្តោយទុកឲ្យស្បែកស្ងួត ធ្វើឲ្យរាងកាយខំផលិតជាតិខ្លាញ់ កាន់តែច្រើនឡើងៗ ដើម្បីឲ្យស្បែកមានតុល្យភាពសំណើមគ្រប់គ្រាន់។ ដូចនេះគួរជ្រើសប្រើឡេផ្តល់សំណើម (Moistwsizes) ដែលមានភាគផ្សំរបស់ទឹក
ឬជាប្រភេទឡេដែលផលិតឡើងសម្រាប់ប្រើក្នុងការគ្រប់គ្រងស្បែកមានជាតិខ្លាញ់ច្រើនតែប៉ុណ្ណោះ។
ក្រៅពីនេះ នៅមានផលិតផលថែរក្សាស្បែកដែលផ្សំពីប្រេងចូចូបា (jojoba) និងវីតាមីនE ដូចជា Gold jojoba ដែលជំនួយបញ្ហាខ្លាញ់លើសលើស្បែក ជួយឲ្យស្បែកមានសំណើម មិនស្ងួត គ្មានអារម្មណ៏ថា មានខ្លាញ់ច្រើនលើស្បែក កាត់បន្ថយបញ្ហាស្បែកស្រអាប់ និងបន្ថយស្នាមជ្រីវជ្រួញ ធ្វើឲ្យស្បែកភ្លឺរលោង ក្មេងជាងវ័យ។
២. កុំលុបលាងមុខញឹកញាប់ៈ ការលុបលាងមុខញឹកញាប់ វារឹតតែជំរុញឲ្យស្បែក ផលិតជាតិប្រេងកាន់តែច្រើនទៅវិញទេ។ ដូចនេះ គួរតែប្រើក្រែមសម្អាតស្បែក (Cleanser) ដែលមានភាគផ្សំរបស់ប្រេង ដើម្បីជួយកម្ចាត់ជាតិខ្លាញ់ដែលលើសនៅលើស្បែកមុខ។
៣. ចៀសរាងជាតិអាល់កុលៈ ផលិតផលថែរក្សាស្បែកដែលមានភាគផ្សំពីជាតិអាល់កុលក្នុងបរិមាណច្រើន វាអាចជួយទប់ស្កាត់នូវជាតិខ្លាញ់ បានក្នុងរយៈពេលខ្លីប៉ុណ្ណោះ តែក្នុងរយៈពេលវែង វាអាចធ្វើឲ្យបញ្ហានេះកាន់តែធ្ងន់ធ្ងរជាងមុន ៕
No comments:
Post a Comment